Qazaqstanda turǵyn úı sapasyn tekseretin zerthana iske qosylýy múmkin

NUR-SULTAN. QazAqparat – Qazaqstanda jańadan salynatyn turǵyn úıler memlekettik zerthanadan ótýi múmkin. Qurylys salasyndaǵy jańalyq týraly QR Indýstrııa jáne ınfraqurylymdyq damý mınıstrliginiń birinshi vıtse-mınıstri Qaıyrbek Óskenbaev aıtyp berdi, dep habarlaıdy QazAqparat tilshisi.

«Qurylys salasynda qazaqstandyqtardy jıi mazalaıtyn suraqtardyń biri turǵyn úı sapasy. Ózderińiz biletindeı, bizdiń mınıstrlik jol sapasyn jaqsartý maqsatynda arnaıy zerthana qurdy jáne ol óz nátıjesin berip jatyr. Sol tájirıbege súıene otyryp, turǵyn úı qurylysy sapasyn qadaǵalaıtyn zerthana qurý jospary bar. Osy maqsatta qazirgi tańda zańnamaǵa tolyqtyrýlar men ózgerister engizý máselesi qaralyp jatyr. ıAǵnı Úkimetke óz usynysymyzdy bildiretin bolamyz. Turǵyn úı qurylysy sapasyn arttyrýda zerthana qajet-aq. Óıtkeni, zerthana kórsetken qorytyndyǵa qarap úıdiń qanshalyqty sapaly salynǵanyn bilýge bolady. Jáne zerthana jumysy jobanyń basynan bastap, turǵyn úıdi paıdalanýǵa bergenshe júrgiziledi», - dedi Q. Óskenbaev baspasóz máslıhatynda.

Vıtse-mınıstrdiń sózine sensek, qurylys salasyn tsıfrlandyrý men avtomattandyrýdaǵy basty maqsat – sapa pen tutynýshynyń senimin arttyrý.

«Árıne qurylystyń sapasyna ony salǵan kompanııa tikeleı jaýapty. Degenmen memlekettik baqylaýdyń orny bólek jáne ol zańnmen rettelýi tıis. Sapaly turǵyn úıdiń sanyn arttyrýda zerthana biraz máseleni ashyp kórsetedi», - deıdi ol.

Buǵan deıin mınıstrdiń birinshi orynbasary elimizde turǵyn úı qurylysy barysyn baqylaıtyn ahýaldyq ortalyqtyń qurylǵanyn aıtty.