Qazaqstanda turǵyn úı naryǵyndaǵy baǵa tómendedi - UEM

ASTANA. QazAqparat - 2016 jylǵy tamyzda turǵyn úı naryǵyndaǵy baǵa ózgerdi, dep habarlady www.pm.kz Ulttyq ekonomıka mınıstrligine silteme jasap.

2016 jylǵy tamyzda ótken aımen salystyrǵanda jańa turǵyn úılerdi satý baǵasy 0,2%-ǵa tómendedi, abattandyrylǵan jáne abattandyrylmaǵan turǵyn úılerdi alyp satý baǵalary - ózgerissiz qaldy. Abattandyrylǵan turǵyn úıdi jalǵa alý tólemi 0,4%-ǵa ósti.

Turǵyn úı naryǵyndaǵy baǵany baıqaý Astanada, Almaty qalasynda jáne oblys ortalyqtarynda qurylys kompanııalaryna qosa qalalyq qor boıynsha jyljymaıtyn múlikpen operatsııalardy júzege asyratyn uıymdardyń iriktelgen sheńberi boıynsha júrgiziledi.