Qazaqstanda turǵyn úı qurylysynyń jańa baǵdarlamasy boıynsha qurylys jumystary bastalady

Bul týraly munyń aldynda «Qazaqstan-2050» demokratııalyq kúshterdiń jalpyulttyq koalıtsııasynyń otyrysynda QR Premer-Mınıstriniń birinshi orynbasary Baqytjan Saǵyntaev málim etken bolatyn.

Bıyl vıtse-premerlik qyzmet merzimi aıaqtalǵan B. Saǵyntaev: «Qazirgi ýaqytta biz turǵyn úı salýdyń jańa mehanızmderin ázirleýdemiz. Baǵdarlamaǵa sáıkesinshe ózgertýler jeltoqsan aıynda engiziledi. Al 2015 jyldyń 1 qańtarynan elimizdiń barlyq óńirlerinde jańa turǵyn úı baǵdarlamasy boıynsha úılerdiń qurylysy bastalady», - degen bolatyn.

B.Saǵyntaevtyń atap ótkenindeı, jaldamaly turǵyn úı qurylysy júrgiziletin aýdandarǵa ınjenerlik jeliler tartýǵa jáne qurylysty jobalaýǵa 35 mlrd. teńge bólinedi. Sonymen qatar jaldamaly turǵyn úı qurylysy úshin «Báıterek» holdıngine 0,1 paıyzdyq stavkamen 30 jylǵa 145 mlrd. teńge bólý josparlanyp otyr. Jaldamaly turǵyn úı qurylysy baǵdarlamasynyń operatory «Qazaqstannyń ıpotekalyq kompanııasy» AQ bolady. Qosymsha 1 mln. sharshy metr turǵyn úı salynady.

Turǵyn úı qurylysyna Ulttyq qordan bólinetin 145 mlrd. teńgeden bólek te qarjy qarastyrylady. Atap aıtqanda, 2013-2014 jyldarǵa arnalǵan «Qoljetimdi baspana-2020» baǵdarlamasyna 29 mlrd. teńgeden astam qarjy bólingen bolsa, Qazaqstannyń ıpotekalyq kompanııasy qor naryǵynda 2017-2019 jyldarǵa arnalǵan 50 mlrd. teńge somasyndaǵy oblıgatsııalardy ornalastyrady. Budan bólek, basqa da qarjy kózderinen baspana qurylysyna 25,8 mlrd. teńge tartylady. Nátıjesinde, turǵyn úı qurylysyna salynatyn qarjynyń jalpy kólemi 250 mlrd. teńgeni quraıdy. Daıyn úıler jańa turǵyn úı qurylysy baǵdarlamasy arqyly berilýi múmkin.