Qazaqstanda turǵyn úı ıelerinen qaryzdardy óndirip alý protsedýralary jeńildetiledi
ANA. 28 maýsym. QazAqparat /Gúlmıra Álıakparova/ - Qazaqstanda Páter ıeleri kooperatıvteriniń aldynda boryshtary bar turǵyn úı ıelerinen qaryzdardy óndirip alý protsedýralary jeńildetilýde.
Bul týraly búgin jýrnalısterge bergen suhbatynda Qurylys jáne turǵyn úı-kommýnaldyq sharýashylyq isteri agenttigi departamentiniń dırektory Vasılıı Maslov aıtty.
«Ótken jyly Qazaqstanda PIK-terdiń talaby boıynsha, shatyrlar men jertólelerdiń jóndeý jumystary úshin aqsha tólemeıtinderden 350 mln. teńge óndirilip alyndy», - dedi V.Maslov. Onyń aıtýynsha, óndirip alynǵan soma aldyńǵy jyldarmen salystyrǵanda eki esege kóp.
Onymen birge, eger buǵan deıin boryshtar boıynsha sot otyrystary 5-6 aıǵa, tipti odan da kóp ýaqytqa sozylyp kelse, endi sheshimder sottyń bir jaqty qaraýymen qabyldanady. «Jańa zańmen («Turǵyn úı qatynastary týraly») biz sot otyrystarynan alshaqtap, sot buıryqtary protsedýrasyna kóshetin bolamyz. Sýdıa qajetti qujattar paketin alǵannan keıin, tyńdaý úshin taraptardy otyrysqa shaqyrmaıdy. Ózi buıryq shyǵaryp, oryndaýshyǵa tapsyrady. Protsess 2-3 aptaǵa ǵana sozylatyn bolady. Zańǵa engiziletin ózgertýler qazir Májiliste qaralýda», - dedi V.Maslov.
Agenttik ókili atap kórsetkendeı, páter ıeleri turǵyn úıdi jóndeýge ketken shyǵyndar úshin tólemderdi úsh aı keshiktirse, PIK ıeleri olardy sotqa bere alady. «Jalpy Qazaqstanda turǵyndardyń 10 paıyzy boryshkerler bolyp sanalady», -dep atap ótti ol.
