Qazaqstanda turǵylyqty jerin jumys ornynda tirkeýge ruqsat berildi
ASTANA. QazAqparat - Memleket óz baspanasy joq adamdardyń jumys ornynda tirkelýine ruqsat etti. Bul aqparatty dúısenbi kúni QR ishki ister mınıstrligi jarııa etti, dep habarlady «Jetinshi arna».
Polıtseılerdiń aıtýynsha, bul tarmaq tıisti zańnamaǵa engizilgen.
«Eger buryn tirkeýsiz turyp jatqan adamdarǵa aıyppul ǵana kózdelgen bolsa, endi engizilgen túzetýlermen tirkeýsiz 10 kúnnen 3 aıǵa deıin turǵan adamdarda eskertý qarastyrylǵan. Eger 3 aıdan astam ýaqyt tursa - aıyppul salynady. Óz baspanasy joq adamdar qaıtkende de bir jerde turady, nemese úı jaldaıdy - olar esepke turýy nemese jumys ornynda tirkelýi tıis»,- dedi QR ІІM kóshi-qon polıtsııasy departamentiniń vızalyq jumystar basqarmasy bastyǵynyń orynbasary Dýlat Ysqaqov.
Eske sala keteıik, 2015 jyldyń 1 qańtarynan bastap quqyq qorǵaý organdary tirkelgen jeri boıynsha turmaıtyn qazaqstandyqtarǵa aıyppul salýdy bastaıdy. Sonymen qatar, baspana usynǵan páter ıelerine de aıyppul salynady. Aıyppul mólsheri 10 myń teńgeden aspaıdy.
