Qazaqstanda turǵyn úı tólemaqysy kimderge beriledi

ASTANA. KAZINFORM – Qazaqstandyqtar kommýnaldyq qyzmet tarıfi kóterilgen jaǵdaıda turǵyn úı kómegine júgine alady. Tólemniń kimderge tıesili ekenin Premer-mınıstrdiń orynbasary Qanat Bozymbaev aıtyp berdi.  

- Kommýnaldyq qyzmet tarıfi jıyntyq otbasylyq kirister shyǵynynan 5 nemese 10%-dan asqan jaǵdaıda turǵyn úı kómegi tólemi taǵaıyndalýy múmkin. Biraq, barlyq qazaqstandyqqa birdeı tólenbeıdi, - dedi Qanat Bozymbaev Úkimet úıinde ótken baspasóz máslıhatynda.

Sondaı-aq BAQ ókilderi vıtse-premerge bıýdjet qarajaty barlyq tólem alýshyǵa jetkilikti me degen naqtylaý saýalyn qoıyldy. 

- Árıne, biz belgili bir sanattaǵy azamattardy, ıaǵnı otbasyny qarastyramyz, qoldan keledi dep oılaımyn, - dep tolyqtyrdy Úkimet basshysynyń orynbasary. 

Buǵan deıin Qanat Bozymbaev elimizde qýaty 7 300 megavatt elektr jelisi salynatyny týraly málimdegen edi.