Qazaqstanda turǵyn úı satyp alý-satý mámileleri 28,4% ósti
ASTANA. KAZINFORM – Qazaqstanda maýsym aıynda turǵyn úıdi satyp alý-satý boıynsha 39 myńnan astam mámile tirkeldi, dep habarlaıdy Ulttyq statıstıka bıýrosy.
2026 jylǵy maýsymda turǵyn úıdi satyp alý-satý boıynsha 39 053 mámile jasalǵan. Bul mamyr aıymen salystyrǵanda 28,4%-ǵa kóp. Mamyrda 30 420 mámile tirkelgen bolatyn.
Mámile sany boıynsha Almaty men Astana qalalary kósh bastap tur.
– Eń kóp mámile Almaty qalasynda tirkeldi – 6 841 nemese jalpy kórsetkishtiń 17,5%-y. Odan keıin Astana qalasy – 6 436 mámile (16,5%) jáne Qaraǵandy oblysy – 3 772 mámile (9,7%) ornalasqan. Eń tómen kórsetkish Ulytaý oblysynda tirkeldi – 360 mámile nemese 0,9%, – dep habarlady Ulttyq statıstıka bıýrosy.
Vedomstvo málimetinshe, maýsym aıynda mamyrmen salystyrǵanda mámileler sanynyń artýy barlyq óńirde baıqalǵan.
Eń joǵary ósim Mańǵystaý oblysynda (+67,4%), Qaraǵandy oblysynda (+43,4%) jáne Atyraý oblysynda (+40,9%) tirkeldi.
Aıta keteıik, Astanada 32 problemalyq turǵyn úıdiń qurylysy aıaqtaldy.
