Qazaqstanda «Turaqty aýyl» baǵdarlamasy ázirlenýde

NUR-SULTAN. QazAqparat – «Otandastar qory» kommertsııalyq emes aktsıonerlik qoǵamy aýyldy saqtap, odan ári damytý maqsatynda jańa baǵdarlama ázirleý ústinde, dep habarlaıdy QazAqparat.

«Búgin S.Seıfýllın atyndaǵy Qazaq agrotehnıkalyq ýnıversıtetiniń birinshi prorektory Qaırat Qaparulymen kezdestim. Ol Nura aýdanyna qarasty Kóbeteı aýylynda júzege asyp jatqan pılottyq jobamen tanystyrdy. Joba úı sharýashylyǵy arqyly aýyldaǵy aǵaıynnyń turmystyq jaǵdaıyn ósirýge baǵyttalǵan. Ýnıversıtet osy baǵytta aýyl turǵyndaryna jan-jaqty qoldaý kórsetip jatqanyn aıtty», - dep jazdy «Otandastar» qorynyń birinshi vıtse-prezıdenti Talǵat Ábýov Facebook paraqshasynda.

Onyń málimetinshe, qor úshin aýyldaǵy aǵaıynnyń jaǵdaıy turaqty túrde damyǵany mańyzdy. Onymen birge, elge oralatyn qandastardyń basym bóligi aýylǵa qonystanady.

«Búginde qordyń bıznes jáne jobalardy akseleratsııalaý departamenti «Turaqty aýyl» atty aýyldy damytý baǵdarlamasyn ázirleýde. Nur-Sultan qalasyna jaqyn ornalasqan aýyl-aımaqty aralap, ondaǵy halyqtyń jaǵdaıymen tanysty. Ár aýyldyń ereksheligine saı keletin bıznes jobalar qarastyrylýda», - dedi ol.