Qazaqstanda tuńǵysh ret psıhıkalyq densaýlyq kúni atalyp ótýde

ASTANA. QazAqparat - Búgin Qazaqstanda tuńǵysh ret «Ómir - meniń eń qymbat qundylyǵym!» uranymen Búkilálemdik psıhıkalyq densaýlyq kúine atalyp ótýde. Bul týraly QR Densaýlyq saqtaý jáne áleýmettik damý mınıstrliginiń baspasóz qyzmeti habarlady.
None
None

Alǵashqy medıtsınalyq-sanıtarlyq kómek uıymdarynda halyq arasynda psıhıkalyq densaýlyqty saqtaý men nyǵaıtýdyń mańyzdylyǵy týraly aqparatty taratý, psıhıkanyń buzylý jaǵdaılarynyń oryn alýyn azaıtý maqsatynda psıhologtardyń, ýchaskelik dárigerlerdiń, áleýmettik qyzmetkerlerdiń tegin konsýltatsııalary uıymdastyrylatyn bolady.

Sonymen birge, MSAK uıymdarynda sýıtsıd jasaýǵa árekettengen balalardyń ata-analarymen áńgimelesý josparlanyp otyr. Densaýlyq beıindi mektepterinde psıhıkalyq densaýlyqty qorǵaý, otbasynda jaǵymdy psıhologııalyq klımatty qurý týraly sabaqtar ótkizilip, sondaı-aq, psıhıkalyq densaýlyqtyń buzylýyn erte dıagnostıkalaý men onyń aldyn alý boıynsha alǵashqy zveno mamandary úshin semınarlar uıymdastyrylatyn bolady.

Psıhıkalyq densaýlyq - bul adam balasynyń óz qabiletin júzege asyrýǵa múmkindik beretin, ómir qıynshylyqtaryna tótep bere alatyn, ónimdi eńbek etip, qoǵamnyń damýyna úles qosýǵa múmkindigi bar jaıly jaǵdaıy.

Psıhıkanyń buzylýy - júrek-qantamyrlary aýrýlary men qaterli isik syndy sozylmaly aýrýlardy qozdyratyn jaǵymsyz faktor bolyp tabylady.

Psıhıkalyq densaýlyqty saqtaý úshin eń aldymen, jasóspirimder jáne olarmen jumys isteıtin kásibı mamandar, sondaı-aq, halyq arasynda jasóspirimderdiń psıhıkalyq densaýlyǵyn nyǵaıtýdyń mańyzdylyǵy týraly bilim deńgeıin arttyrý kerek.

Psıhıkalyq densaýlyqty qorǵaý - quramyna psıhıkalyq densaýlyqty nyǵaıtý, psıhıkanyń buzylýyn eskertý, minez-qulqy men psıhıkasy buzylǵan adamdardyń stıgmatızatsııasyn tómendetý boıynsha sharalar bar kóp baǵytty strategııa bolyp tabylady.

Álemde 1992 jyldan bastap Búkilálemdik psıhıkalyq densaýlyq federatsııasynyń bastamasymen Búkilálemdik psıhıkalyq densaýlyq kúni atalyp ótip keledi. Onyń maqsaty - depressıvti kóńil-kúı, shızofrenııa, Altsgeımer aýrýy, nashaǵa táýeldilik, talma aýrýy, aqyl-oıdyń artta qalýynyń taralýyn azaıtý.

 

Сейчас читают