Qazaqstanda tuńǵysh ret parnıktik gazdar shyǵaryndylarynyń kvotalary saýdaǵa shyǵaryldy
ASTANA. QazAqparat - 2014 jyldyń 28 naýryzynda Qazaqstanda tuńǵysh ret parnıktik gazdar shyǵaryndylarynyń kvotalary saýdaǵa shyǵaryldy. «Kaspıı» taýar bırjasynda ótken saýdaǵa 5 kompanııa ókilderi qatysyp, nátıjesinde 4 mámile tirkeldi. Jasalǵan mámilelerdiń jalpy kólemi SO2 gazynyń 32 044 tonnasyn qurady. SO2 gazynyń 1 tonnasy úshin belgilengen kvota birliginiń baǵasy 455 teńgeni (mámile jasalǵan kúngi Qazaqstan Respýblıkasynyń Ulttyq bankiniń baǵamy boıynsha $2,05) qurady.
Bul týraly QR Qorshaǵan ortany qorǵaý jáne rý serýrstary mınıstrliginiń baspasóz qyzmeti habarlady.
Qazaqstannyń parnıktik gazdar shyǵaryndylarynyń saýda júıesi 2013 jyldyń 1 qańtarynda jumys isteı bastady. Bul júıe - parnıktik gazdar shyǵaryndylary kólemin qysqartý men klımattyń ózgerýi qarqynyn báseńdetýdiń, sondaı-aq, ekonomıkalyq damý men jańa tehnologııalardy engizýdiń naryqtyq quraly.
Elimizdiń Ekologııalyq kodeksiniń talaptaryna sáıkes, búgin, 1 sáýir kúni, 2013 jyly parnıktik gazdar shyǵaryndylarynyń naqty kólemderi túgendeý boıynsha esep berý jáne júrgizilgen saýda operatsııalary boıynsha aqparat tapsyrý merzimi bastaldy.
2013 jylǵa belgilengen kvotalar kólemin asyrǵan kásiporyndar artyq shyǵarǵan parnıktik gazdardyń naqty kólemin óteý tıis. Jetkiliksiz kvotalar kólemin olar bırja arqyly satyp alady.
Búgingi kúni 2013 jylǵa bólingen kvotalardyń qoldaný merzimin uzartý boıynsha jumys júrgizilip jatyr. Bul másele oń sheshimin tapsa, 2013 jylǵy kvotalar 2014 jyldyń 1 shildesine deıin saýdaǵa shyǵarylmaq. 2013 jylǵa berilgen kvotalardyń kelesi saýda kezeńderinde kúshi joıylyp, kelesi kezeńniń alǵashqy saýdasynan keıin aınalymnan shyǵarylady.
2013 jylǵa berilgen kvotalardyń jalpy kólemi, qosymsha bólingen kvotalardy esepke alǵanda, SO2 gazynyń 158 099 190 tonnasyn qurady.
