Qazaqstanda tuńǵysh ret qazaq kúresinen «Álem Barysy» halyqaralyq týrnıri ótedi
ASTANA. QazAqparat - Ótken jyly tuńǵysh ret qazaq kúresinen «Eýrazııa Barysy» ótken bolatyn. Al bıyl taǵy bir úlken jańalyqtyń kýási bolmaqpyz - tól kúresimizden «Álem Barysy» jarysy ótpek.
«Álem Barysy» qazannyń 25-si kúni Pavlodar qalasynda, al ekinshi ret «Eýrazııa Barysy» halyqaralyq týrnıriniń jalaýy qarashanyń 22-si kúni Taraz qalasynda jelbiremek. Bul týraly «Qazaqstan Barysy» qazaq kúresin damytý qory habarlady. Osyǵan oraı erteń, ıaǵnı qyrkúıektiń 24-i kúni saǵat 11:00-de «Rixos President Astana» qonaqúıiniń «Orda» konferentsııa zalynda «Qazaqstan Barysy» qazaq kúresin damytý qorynyń uıymdastyrýymen atalmysh týrnırlerge arnalǵan baspasóz máslıhaty ótkiziledi.
Oǵan Qazaqstan Respýblıkasynyń Mádenıet jáne sport mınıstri Arystanbek Muhamedıuly, «Samuryq-Qazyna» Ulttyq ál-aýqat qory» AQ bas dırektory Darhan Qaletaev, Qazaqstan Respýblıkasy Qazaq kúresi federatsııasynyń prezıdenti Arman Shoraev, Pavlodar oblysynyń dene shynyqtyrý jáne sport basqarmasynyń basshysy Marat Aıdashev, Jambyl oblysynyń dene shynyqtyrý jáne sport basqarmasynyń basshysy Gamlet Qaınarbekov qatysady.
Elimizde qazaq kúresinen tuńǵysh ret ótkizilgeli otyrǵan «Álem Barysy» halyqaralyq týrnırinde álemniń 30-dan astam elderiniń túıe palýandary kúsh synasady. Sonymen qatar Qazaqstannyń qurama komandasy shetelderdiń komandalarymen qazaq kúresinen II «Eýrazııa Barysy» halyqaralyq týrnırinde kezdesedi.
Jobanyń uıymdastyrýshylary - «Qazaqstan Barysy» qazaq kúresin damytý qory, Qazaqstan Respýblıkasy Qazaq kúresi federatsııasy, sondaı-aq Pavlodar oblysynyń ákimdigi men Jambyl oblysynyń ákimdigi.
Bas demeýshisi - «Samuryq-Qazyna» Ulttyq ál-aýqat qory» AQ. Al demeýshileri jáne seriktesteri «Prommashkomplekt» JShS, «QazAgro» AQ, «Qazaqstan» jáne «KTK» telearnalary, joba ıdeıasynyń avtory Arman Shoraev.
Kúnsultan OTARBAI
