Qazaqstanda tuńǵysh ret qar ústindegi shógennen Almaty Snow Polo Cup halyqaralyq týrnıri ótedi
ASTANA. QazAqparat - Qazaqstanda tuńǵysh ret qar ústindegi shógennen Almaty Snow Polo Cup halyqaralyq týrnıri ótedi, dep habarlaıdy QazAqparat.
Almaty qalalyq dene tárbıesi jáne sport basqarmasy aqparatyna sáıkes, 17-19 aqpan kúnderi Almatyda Qazaqstan, Argentına, Germanııa jáne Shveıtsarııadan kelgen alty komanda jarys júldesin sarapqa salmaq.
Alataý bókterindegi týrnırge «Munich Polo Club» (Germanııa), «Polo Match Club» (Argentına) jáne «Cosmo Polo Club» (Shveıtsarııa) syndy sheteldik tájirıbeli klýbtarymen qatar, Qazaqstannyń úsh komandasy: «Áýlıeata» shógen klýby, «Astana Polo Club» jáne «Almaty Horse & Polo Club» qatysady. Jarystyń bas tóreshisi qyzmetin Germanııadan arnaıy shaqyrtylǵan maman Djeı Výlf-Vırner atqarady. Elimizde endi ǵana qanat jaıyp kele jatqan shógen sportynan halyqaralyq týrnır tuńǵysh ret ótkeli tur, 2016 jyly qar ústindegi shógennen Respýblıkalyq týrnır uıymdastyrylǵan bolatyn.
