Qazaqstanda tuńǵysh ret halyqaralyq "Tsırk festıvali" ótedi
ALMATY. Shildeniń 20-sy. QazAqparat /Názıra Eleýhan/ - Almatyda Qazaq tsırkiniń 40 jyldyq mereıtoıyna oraı, shilde aıynyń 24-nen tamyz aıynyń 22-ne deıin Qazaqstanda birinshi ret halyqaralyq "Tsırk festıvali" ótedi,
dep habarlaıdy QazAqparat.
Festıvalde Qytaı, Reseı, Japonııa, Belarýs, Ózbekstan jáne óz elimizdiń beldi tsırk ártisteri óner kórsetetin bolady. Mereı toıdyń saltanatyna atalmysh elderdiń tsırk prezıdentteri arnaıy qatysady dep kútilýde.
Mereıtoılyq baǵdarlamanyń qoıýshy - rejıssery - Vılen Golovko. Ol tsırk baǵdarlamasyn jasaýdyń eń myqty rejıssery. 1975 jyly tsırktiń birinshi «Jer ǵajaıyby» atty baǵdarlamasyn jasaǵan. Baǵdarlama tsırk óneriniń Búkilodaqtyq baıqaýynda birinshi oryn alǵan. Al, qazaqstandyq tsırk Keńes odaǵy kezinde 10 jyl boıy eń úzdik trýppa atanǵan.
