Qazaqstanda tuńǵysh ret «Eýrojóndeý» onlaın-realtı shoýy kórsetilmek
ALMATY. 19 shilde. QazAqparat /Ádilet Musahaev/ - Qazaqstan kórermenderine tuńǵysh ret otandyq «Eýrojóndeý» onlaın-realtı shoýy usynylmaq.
Basty keıipkerdiń óz páterine úsh mıllıon teńgege jóndeý jumystaryn jasaýǵa múmkindigi bar. Sharany uıymdastyrýshylar «Kaspi Bank» AQ men «Aýyrtpalyq ortalyǵy» forýmy.
Sonymen osy jyldyń 18-29 shildesi aralyǵynda tapsyrys bergen Almaty turǵyndary on-line show-dyń basty keıipkeri atanýǵa jáne óz páterine jóndeý jumystaryn jasatý joldamasyna ıe bolýy múmkin.
1 tamyzǵa deıin basty keıipker anyqtalmaq jáne ol alty apta kóleminde dızaıner-keńesshiler, qurylys brıgadasy jáne ınternet paıdalanýshylarmen birlesip óz páterine jóndeý jumystaryn júrgizedi.
Sondaı-aq páterin jóndeýden ótkizýde 3 mıllıon teńgege qol jetkizgen joly bolǵysh adam kúndelik ashyp, jumys barysyndaǵy qıyndyqtar men qýanyshty sátterdi jazyp otyrady.
"Mundaı sharalar tutynýshylarǵa bizdiń ónimder men qyzmetterimiz jóninde jetkizýge kómektesedi. Realtı-shoýdy ınternetke shyǵarý sebebimiz banktiń «Eýrojóndeý» jańa nesıesimen baılanysty. Bul turǵyda qazaqstandyqtar bir kúnniń ishinde 3 mıllıonǵa deıin nesıe ala alady. Sondaı-aq osy joba aıasynda páterlerine jóndeý jumystaryn jasaǵysy kelip júrgen jandardy jóndeý jumystarynyń úrdisimen tanystyryp, óz kózderimen kórýge múmkindik jasaý», -deıdi atalǵan banktiń basqarma dırektory Larısa Pak.
