Qazaqstanda tuńǵysh ret elektromobılder sherýi ótedi

NUR-SULTAN. QazAqparat - Qostanaı qalasyndaǵy «SaryarqaAvtoProm» JShS qurastyrǵan JAK elektromobıli 540 shaqyrymdyq avtosherýde synaqtan ótedi, dep habarlaıdy QazAqparat tilshisi.

5 maýsymda Dúnıejúzilik qorshaǵan ortany qorǵaý kúnine oraı Jasyl Jol elektromobılder sherýi ótedi. Atalmysh shara barysynda JAK markaly otandyq elektromobıldi synaqtan ótkizý josparlanǵan. Qostanaılyq zaýyttyń ónimi BMW, Lexus, Jaguar, Tesla sııaqty áıgili marka ónimderimen básekege túspek. Sherýge halyqaralyq jasyl tehnologııalar jáne ınvestıtsııalyq jobalar ortalyǵy muryndyq bolyp otyrǵan. Ortalyq kommýnıkatsııalar qyzmetinde ótken baspasóz máslıhatynda atalmysh uıymnyń apparat basshysy Ádilbek Básekeev sharanyń shyǵyndaryn demeýshiler kóteretinin aıtty.

«Avtosherý Nur-Sultan - Býrabaı - Nur-Sultan baǵytynda ótedi. Oǵan 7 markanyń ónimi qatysady. Arasynda bir elektrobýs ta bar. Atmosferanyń lastanýyna búkil álem bolyp qarsy turyp jatqanda bi z de óz úlesimizdi qosý úshin osy sharany qolǵa aldyq», - deıdi Ádilbek Básekeev.