Qazaqstanda tuńǵysh ret balalarǵa arnalǵan mýzykalyq komedııa túsirildi
ALMATY. 10 naýryz. QazAqparat /Erlik Erjanuly/ - Qazaqstanda alǵash ret balalarǵa arnalǵan «Ánshi bolǵym keledi» dep atalatyn mýzykalyq komedııa túsirildi.
Fılmniń tusaýkeseri Almatyda 15 naýryz kúni ótedi. Uzaqtyǵy 1 saǵat 20 mınýt bolatyn bul fılmde bas keıipkerdi 10 jasar Áıgerim Mergenbaı oınaıdy. Qazaqstandaǵy balalarǵa arnalǵan tuńǵysh fılmniń stsenarııin jazǵan jáne qoıýshy rejısseri - Danııar Salamat. Al kınotýyndy ıdeıasynyń avtory jáne bas prodıýseri - Altyn Mahanbetova. Komedııadaǵy jas keıipkerlerdi «Ánshi bolǵym keledi» prodıýserlik ortalyǵynyń ónerpazdary somdap otyr. Oǵan sondaı-aq, QR eńbek sińirgen artısi Lıdııa Kádenova, memlekettik «Daryn» syılyǵynyń laýreaty Rahman Omarov pen Kenjebek Shaıqaqov, Baýyrjan Ordın sııaqty ózge de óner sheberleri qatysqan.
