Qazaqstanda tuńǵysh ret álemdik 500 hor ártisi óner kórsetedi
ASTANA. QazAqparat - Elimizde alǵash ret bes qurlyqtyń 25 eliniń 500 hor ártisi óner kórsetedi, dep habarlaıdy Habar 24.
Ónerpazdar «Astana - álem daýysy» halyqaralyq festıvaliniń gala-kontserti aıasynda álemdik jáne ulttyq shyǵarmalardy oryndaıtyn bolady. Bul týraly Mádenıet jáne sport mınıstrligi men «Qazaqstan hor dırıjeri» respýblıkalyq qoǵamdyq birlestiginiń uıymdastyrǵan baspasóz konferentsııasynda aıtyldy.
Jalpy shara 5 qazan kúni bastalǵan edi. Sodan beri shetelden kelgen ónerpazdardyń dostyq kontsertteri ótip, sheberlik sabaqtary ótkizildi.
10 qazan - festıvaldiń sońǵy kúni. Soǵan oraı elordalyq turǵyndar men qonaqtardyń nazaryna gala-kontsert usynylady.
«Astana - álem daýysy» festıvali bes qurlyqtyń basyn qosty. Qazaq elinde hor mýzykasy jaqsy damyǵan eken. Bolashaqta ekitarapty seriktestik ornatyp, tájirıbe almasýdy josparlap otyrmyz», - dedi Hor mýzykasy halyqaralyq federatsııasynyń prezıdenti Emılı Kýo Vong.
