Qazaqstanda tuńǵysh ret alpınızm jáne quzǵa órmeleý boıynsha «Taýdaǵy qos saıys» týrnıri ótedi (FOTO)
Atalǵan jarys eki kezeń boıynsha ótedi, ol -bólimshelerdiń kúrdeli taý bederlerin ıgerý jáne 1000 metrlik «tik shaqyrym» bıiktikten yldıǵa qaraı júgirý. Bul oraıda, QR QK áskerı qyzmetshilerinen quralǵan komanda 2013 jáne 2014 jyldary ótken jarystarda TMD ókilderi arasynda birinshi oryndy ıelendi.
«Alpınızmmen jáne quzǵa órmeleýmen aınalysatyn qazaqstandyq áskerı qyzmetshiler naǵyz babynda. Áskerı qyzmetshilerdiń taýdaǵy daıarlyq deńgeıi taý bederiniń tehnıkasyn meńgere otyryp, áskerı qyzmetshiler arasynda alpınızm boıynsha dáris oqıtyn nusqaýshy-ádiskerlerdiń sany jyldan-jylǵa artyp keledi. Aǵymdaǵy jyly olardyń sany 3,5 esege ósti», - deıdi ótken jylǵy jarystyń jeńimpazy, jetekshi nusqaýshy leıtenant Vasılıı Pıvtsov.
Aıta keteıik, taý daıarlyǵy jaýyngerlik daıyndyqtyń ajyramas bóligi sanalady. Sonymen qatar ol eki baǵytqa bólinedi. Taý daıarlyǵynyń birinshi baǵyty - arnaıy alpınıstik daıyndyq. Onyń aıasynda áskerıler taý jotalary men bederlerine órmeleý tehnıkasyn meńgerip,taý shańǵysy kýrsyn oqıdy. Sondaı-aq, kóshkinge qarsy turý daıyndyǵy, taýly aımaqta qaýipsizdikti saqtaý jáne aman qalý daǵdylaryn úırenedi.
Ekinshi baǵyt - taýly aımaqta jaýyngerlik urys júrgizý daıyndyǵy. Taý daıarlyǵynyń tolyq kýrsynan ótken áskerı qyzmetshilerdiń arasynda nusqaýshylar mektebine oqýǵa jiberiletin kandıdattarǵa irikteý júrgiziledi.
Sonymen qatar, taý daıarlyǵy komandasy áskerı jáne kúshtik qurylymdardyń barlyǵyna ortaq taý daıarlyǵyn uıymdastyrý tujyrymdamasy boıynsha jumys júrgizedi.
Osydan birneshe jyl buryn QR Qorǵanys mınıstrliginiń áskerı qyzmetshileri taý daıarlyǵynyń nusqaýshylarymen jumys jáne taý egerlerin oqytýda qoldanylatyn oqý ádistemelik qural shyǵardy.