Qazaqstanda tumaýmen aýyrǵandar kórsetkishi tómendedi

NUR-SULTAN. QazAqparat – Densaýlyq saqtaý mınıstri Alekseı Tsoı Qazaqstanda JRVI-men aýyrý kórsetkishi tómendegeni týraly aıtty, dep habarlaıdy QazAqparat tilshisi.

«Qazir kúnniń kúrt sýyp ketýine baılanysty jylýdyń ádettegiden erterek berilgeni belgili. Jiti respıratorlyq vırýsty ınfektsııanyń ótken jyldan qaraǵanda 1,3 ese azaıǵany baıqalyp otyr. Sonymen qatar, JRVI aýrýlarynyń azaıýýyna ujymdaǵy qyzmetkerlerdiń bir-birinen alystap jumys isteýi, mektepterdegi oqýshylardyń kóbiniń qashyqtan oqý formatyna aýysýy, karantındik rejım jáne áleýmettik qashyqtyq sebep bolyp otyr», - dedi Alekseı Tsoı Úkimet otyrysynda.

Eske sala ketsek buǵan deıin Alekseı Tsoı Densaýlyq saqtaý mınıstri Alekseı Tsoı elde koronavırýs ınfektsııasynyń taralýyna jol bermeý úshin Úkimetke birqatar shara qabyldaýdy usynǵan bolatyn.