Qazaqstanda tumaýǵa qarsy joǵary áserli vaktsına satyp alyndy - SQ Farmatsııa
ASTANA. Qazannyń 8-i. QazAqparat /Rýslan Ǵabbasov/ - Qazaqstanda tumaýǵa qarsy joǵary áserli vaktsına satyp alyndy.
Bul týraly búgin Astanada ótken baspasóz máslıhatynda «Samuryq-Qazyna Farmatsııa» JShS-nyń Marketıng jáne damý departamentiniń dırektory Arnur Nurtaev málim etti.
«SQ Farmatsııa kompanııasy 2010-2011 jyldarǵy maýsymdarǵa tumaýǵa qarsy joǵary áserli - Vaksıgrıp vaktsınasyn satyp aldy. Vaktsınany eýropalyq iri óndirýshi Sanofı Paster kompanııasy shyǵardy. Ol yńǵaıly jáne zamanaýı formada, ıaǵnı 0,5 ml kólemdegi shprıtstarǵa aldyn ala quıylǵan», - dedi A.Nurtaev.
Onyń sózine qaraǵanda, tumaýǵa qarsy ımmýnıtet ómir boıǵa qalyptaspaıtyndyqtan indetke qarsy egý jyl saıyn, naqtylap aıtqanda epıdemııa bolýy múmkin jeltoqsan-aqpan aılarynda júrgiziledi.
«Onymen birge, vaktsınalar respýblıkaǵa qazannyń 15-20-sy kúnderi jetkiziledi. Bul egý naýqanyn ýaqytyly bastaýǵa múmkindik beredi», - dedi ol.
Sondaı-aq A.Nurtaev atap kórsetkendeı, vaktsınany satyp alýǵa ashyq tender aǵymdaǵy jylǵy maýsym aıynda ótkizildi. Bul vaktsınanyń bir dozasyn 643 teńgege satyp alýǵa múmkindik bergen. Sebebi, bólshek saýdadaǵy onyń qazirgi baǵasy 1600 teńge turady. ıAǵnı, bıýdjet qarajaty 350 mıllıon teńgege únemdelgen.
«Samuryq-Qazyna Farmatsııa» JShS dári-dármekterdi kepildendirilgen tegin medıtsınalyq kómek sheńberinde satyp aldy. Barlyǵy 370 myń dozaǵa jýyq vaktsına alyndy.
