Qazaqstanda tumaýǵa qarsy vaktsınalaýǵa jatatyn 53,8% turǵyn egildi
ASTANA. QazAqparat - Qazaqstanda aǵymdaǵy jylǵy 19 qazandaǵy jaǵdaıǵa sáıkes tumaýǵa qarsy 782 myń 957 adam egildi.
Bul týraly QR Densaýlyq saqtaý jáne áleýmettik damý mınıstrliginiń baspasóz qyzmetinen habarlady. Bul vaktsınalaýǵa jatatyn azamattardyń jalpy sanynyń 53,8% quraıdy, onyń ishinde 117 myń 410 medıtsınalyq qyzmetkerler, 40 myń 321 júkti áıelder, sozylmaly aýrýlary bar 206 myń 313 bala, 85 myń 118 mektep oqýshylary, 25 myń 197 mektep, joǵary jáne orta bilim berý uıymdarynyń oqytýshylary men stýdentteri, 45 myń 959 qart adamdar, 262 myń 639 jumys ujymynyń ókilderi bar.
Aımaqtardaǵy densaýlyq saqtaý basqarmalary mamandary ótkizetin aýlalardy tekserý sharalarynyń barysynda júkti áıelder men 1 jasqa deıingi balalar, sonymen qatar, vaktsınalanǵan adamdardyń arasynda tumaýmen syrqattaný jaǵdaılary tirkelmegeni anyqtaldy.
Esterińizge sala keteıik, tumaýǵa qarsy jappaı vaktsınalaý 3 qazan kúni bastaldy.
