Qazaqstanda tumaý qashan órshıdi
«Bizdiń klımattyq beldeýde kúz-qys aılarynyń kelýine baılanysty ótkir juqpaly aýrýlardyń órshıtini belgili. Jyl saıyn Qazaqstanda 500 myńnan 1 mıllıonǵa deıin jiti respıratorlyq-vırýstyq ınfektsııa tikeledi. Osy aýrýlardyń 64 paıyzynan joǵarysyn 14 jasqa deıingi balalar quraıdy, ıaǵnı árbir aýyrǵan úsh adamnyń ekeýi bala degendi bilderedi. Jiti respıratorlyq-vırýstyq ınfektsııa men tumaýdyń epıdemıologııalyq maýsymy negizi qazan aıynda bastalyp, mamyr aıyna deıin jalǵasady. Bıylǵy epıdemıologııalyq maýsymǵa alańdaýshylyq bildirýimiz koronavırýsqa baılanysty», - dedi J. Bekenov Ortalyq kommýnıkatsııalar qyzmetinde.
Sonymen qatar ol Qazaqstanda tumaýdyń úsh shtamy (N1N1, N3N2 jáne V) taralǵanyn, bul ótken qysta belgili bolǵanyn jetkizdi. Olar zerthanalarda tekserilip, naqtylandy.
«Jyl saıyn vaktsına jasaý aldynda elimizde taralǵan vırýstar shtamdaryn anyqtaýdyń máni zor. Óıtkeni oǵan qarsy egiletin vaktsınanyń sıpaty mańyzdy. Osyǵan baılanysty bizdiń zerthanalar jumysy arqasynda bıyl atalǵan úsh túrin tirkedik», - dedi J. Bekenov.
«Koronavırýs jaǵdaıyna baılanysty biz tumaýǵa qarsy vaktsınaǵa asa mán berip otyrmyz. Sondyqtan ekpeni ýaqytynda alýdyń mańyzy zor. Sebebi bul aýrýlarǵa qarsy antıdene paıda bolýyna keminde eki-úsh apta ýaqyt kerek», - dedi departament dırektory.