Qazaqstanda tuman túsip, jel kúsheıedi — Qazgıdromet

ASTANA. KAZINFORM — «Qazgıdromet» RMK Qazaqstan aýmaǵyndaǵy sınoptıkalyq jaǵdaı men qaýipti aýa raıy qubylystary týraly boljam taratty.

Aldaǵy táýlikterde Qazaqstannyń soltústik oblystarynda aýa raıy Soltústik tsıklon áserinen qalyptasady, al ońtústik oblystar Ońtústik tsıklon yqpalynda bolady. Osyǵan baılanysty Qazaqstanda qar jaýyp, burqasyn bolady, kúndiz elimizdiń ońtústigi men ońtústik-shyǵysynda qar aralas jaýyn túrindegi jaýyn-shashyn, kóktaıǵaq bolady. Respýblıka boıynsha jel kúsheıip, tuman túsedi.

Qazaqstannyń batysynda aýa temperatýrasy túnde 5-13 gradýs aıaz, kúndiz 6 gradýs aıaz — 1 gradýs jyly, respýblıkanyń ońtústik-batysynda túnde 1-9 gradýs aıaz, kúndiz 3 gradýs aıaz — 2 gradýsqa deıin jyly bolady.

Respýblıkanyń soltústik-batysynda eń tómengi temperatýra 10-18-den 7-16 aıazǵa deıin kóteriledi, Qazaqstannyń soltústiginde aýa temperatýrasy túnde 7-20-dan 10-22 aıazǵa deıin aýytqıdy, kúndiz aýa temperatýrasy 2-18 gradýstan 2-18 gradýsqa deıin tómendeıdi.

Qazaqstan Respýblıkasynyń shyǵysynda jáne ortalyǵynda 10-23 gradýs aıazdan 7-18 gradýs aıazǵa deıin kóteriledi, ońtústik oblystarda 5-13 gradýs aıazdan 0-10 gradýs aıazǵa deıin kóteriledi, respýblıkanyń ońtústik-shyǵysynda 5-25 gradýs aıazdan 3-20 gradýs aıazǵa deıin tómendeıdi, kúndiz temperatýra fony 5 gradýs aıaz — 5 gradýs jyly, taýly aımaqtarda 6-11 gradýs aıaz bolady.

Osyǵan deıin Qaraǵandyda aýa raıynyń qolaısyzdyǵynan 200-den asa kólik jolda turyp qalǵanyn jazdyq.