Qazaqstanda tuman túsip, kóktaıǵaq jáne burqasyn bolady
ASTANA. QazAqparat - Sınoptıkter 14-16 aqpanǵa aýa raıy boljamyn usyndy, dep habarlaıdy QazAqparat «Qazgıdromet» RMK-ǵa silteme jasap.
«Ortalyq Azııa arqyly ótetin tsıklonǵa baılanysty belsendi bult massıvi Qazaqstannyń ońtústigi men ońtústik-shyǵysyna jaýyn-shashyn, tuman jáne kóktaıǵaq ákeledi. Reseıdiń eýropalyq bóliginen atmosferalyq aýa aǵyndary yǵysyp, osyǵan baılanysty eldiń batysynda, keıin ortalyǵy men soltústiginde, 16 aqpanda shyǵysta qar jaýady, burqasyn, ekpindi jel soǵady», - dep habarlady «Qazgıdromet».
Sınoptıkter atap ótkendeı, troposferalyq aýa aǵyndary (5 shaqyrym bıiktikte) batys jáne ońtústik-batysqa baǵyttalyp, aýa temperatýrasy kóptegen oblystarda klımattyq normada jáne odan 2..4°S-qa joǵary bolady.
