Qazaqstanda túlekterdiń 30% mamandyǵy boıynsha jumys istemeıdi
ASTANA. KAZINFORM — Qazaqstanda túlekterdiń 30%-dan astamy meńgergen mamandyǵy boıynsha jumys istemeıdi. Mundaı kórsetkishti Eńbek jáne halyqty áleýmettik qorǵaý vıtse-mınıstri Asqar Bıahmetov jarııalady.
Onyń aıtýynsha, mundaı sáıkessizdiktiń negizgi sebepteriniń biri — talapkerdiń UBT-dan jınaǵan baly qalaǵan oqý baǵdarlamasyna túsýge jetkiliksiz bolýy, sondaı-aq bilim sapasynyń jetkiliksizdigi.
— Bilim sapasyn arttyrý qajet. Qazirgi ýaqytta jumysshy mamandyqtary boıynsha 100 jańa kásibı standart qabyldaý josparlanyp otyr. Buǵan deıin 864 kásibı standart ázirlengen, sonyń negizinde oqý baǵdarlamalary men kadr daıarlaý standarttary jańartylýy qajet, — dedi vıtse-mınıstr Úkimettegi brıfıngte.
Buǵan deıin Ónerkásip jáne qurylys vıtse-mınıstri Iran Sharhan ónerkásip pen qurylys salasynda qandaı jańa mamandyqtar paıda bolǵanyn aıtqan edi.