Qazaqstanda týǵan reseılik ánshini kólik qaǵyp ketti
ASTANA. QazAqparat - Máskeý ortalyǵynda Qazaqstanda týǵan reseılik ataqty ánshi Lındany júk kóligi qaǵyp ketti, dep habarlaıdy RBK.
Máskeý ortalyǵyndaǵy negizgi kóshelerdiń jaıaý júrginshiler ótetin jolda bolǵan kólik oqıǵasynan eki adam zardap shekken. Onyń biri Ońtústik Qazaqstan oblysynyń Kentaý qalasynda týǵan reseılik ánshi Lında (Svetlana Geıman). Bul aqparatty ánshiniń dırektory Mıhaıl Kývshınov rastady.
«Medıtsınalyq tekserý júrip jatyr», - dedi Mıhaıl Kývshınov.
Júk kóligi joldan ótip bara jatqan eki adamdy qaǵyp, oqıǵa ornynan qashyp ketken. Keıin polıtsııa qyzmetkeri jol tártibin buzǵan júrgizýshini ustady.
Tergeý amaldary júrgizilip jatyr.
