Qazaqstanda týǵan opera ánshisi Frantsııadaǵy ushaq apatynda qaza tapty
ASTANA. QazAqparat - 1960 jyly Qazaqstanda týǵan opera ánshisi Oleg Bryjak Frantsııada apatqa ushyraǵan Airbus A320 ushaǵynda qaza tapty, dep habarlady RIA Novostı germanııalyq Bild basylymyna silteme jasaı otyryp.
Oleg Bryjaktyń qazasyn Dıýsseldorf operasynyń basshylyǵy rastady. «Biz naǵyz ánshi, uly adam Oleg Bryjaktan aıryldyq», degen teatrdyń bas dırektory Krıstof Maıer basylymǵa bergen suhbatynda. O.Bryjak 1960 jyly Qazaqstanda týǵan. Ol Qaraǵandy mýzykalyq ýchılışesinde, Almaty konservatorııasynda bilim alǵan. 1986-1991 jyldary Sankt-Peterbor, Chelıabınsk, Lvov qalalarynda óner kórsetken. 1996 jyldan beri Dıýsseldorf teatrynyń solısi.
