Qazaqstanda týberkýlezge shaldyqqan sottalýshylardy májbúrli túrde emdeýge nıetti
ASTANA. 16 mamyr. QazAqparat - QR ІІM Qylmystyq atqarý júıesi komıteti tóraǵasynyń orynbasary Azamat Bazylbekov týberkýlezge shaldyqqan sottalýshylardy májbúrli emdeýdi zańnamalyq túrde bekitýdi usyndy. Bul jaıynda ol búgin halyqaralyq uıymdarmen jumys isteý jónindegi eldik úılestirý komıtetiniń májilisinde aıtty.
Osy oraıda A. Bazylbekov týberkýlezden emdeý mindetti bolǵanymen, bul turǵyda eshqandaı zańnamalyq tutqa joq ekenin sóz etti.
«2012 jyly bizde májbúrli emdeý faktileri tirkelgen joq. Atap aıtqanda bostandyqqa shyqqan barlyq sottalýshylar em-dom sharalaryn jalǵastyrýǵa kelisimin berip, bas tartpaıdy. Alaıda biz zańnamalyq túrde olardy májbúrli túrde emdelýge jiberýge quqymyz joq. Olar mindetti túrde emdelýi tıis»,-dep túsindirip ótti tóraǵa orynbasary.
Sonymen qatar ol qylmystyq atqarý júıesi qyzmetkerleriniń týberkýlezge shaldyǵýy máselesine toqtaldy. Onyń málimetterine qaraǵanda, sońǵy úsh jylda 61 qyzmetker atalǵan dertpen aýyrǵan, onyń ishinde 5 medıtsınalyq qyzmetker bar.
