Qazaqstanda týberkýlezge qarsy kúres qalaı júrip jatyr
Onyń aıtýynsha, 2030 jylǵa qaraı týberkýlez epıdemııasyn túbegeıli joıý álemdik qaýymdastyqtyń kún tártibinde tur. Bul - turaqty damýdyń úshinshi maqsaty.
«Qazaqstan 2018 jyly týberkýlezben kúres boıynsha BUU Bas assambleıasynyń joǵary deńgeıli otyrysynda maquldanǵan saıası deklaratsııanyń mańyzyn túsinedi. Elimizde týberkýlezdi azaıtý boıynsha júıeli sharalar qabyldanyp keledi. Bul maqsatta zańnamalyq baza tolyq qalyptasqan. Bizde Týberkýlezben kúres boıynsha keshendi jospar bar, arnaıy mamandandyrylǵan qyzmet jumys isteıdi. Elimizdiń barlyq óńirinde barlyq deńgeıde týberkýlezge qarsy qyzmet qoljetimdi. Arnaıy qyzmetti Ulttyq ǵylymı ftızopýlmonologııa ortalyǵy basqarady. Bizde týberkýlezge qarsy qyzmetti qarjylandyrýdyń patsıentke baǵyttalǵan mehanızmi engizilgen», - dedi vıtse-mınıstr AQSh elshiliginiń 50 GeneXpert apparatyn syıǵa tartý rásiminde.
Dıagnostıkanyń ınnovatsııalyq tásilderi men emdeýdiń jańa shemalaryn qoldaný arqyly sońǵy 10 jylda Qazaqstandaǵy týberkýlez aýrýy 2,2 esege, ólim-jitim kórsetkishi 5,4 ese azaıǵan.
«Bıýdjettik qarajat esebinen týberkýlezge qarsy dárilik zattar satyp alynady. Halyqaralyq uıymdardyń qoldaýymen preparattardy aıtarlyqtaı tómen baǵada aldyq, bul naýqastardy dári-dármekpen tolyq qamtamasyz etýge múmkindik beredi. Eki jarym myńnan astam naýqas bul dárilermen qamtylǵan. Týberkýlez boıynsha emdeletin asqynbaǵan túrinen tolyq aıyǵý - 90,1 paıyz, al dáriniń kóptegen túrine tózimdi týberkýlez túri boıynsha tolyq aıyǵý - 78,6 paıyz. Qandaı jetistikke jetsek te, dáriniń kóptegen túrine tózimdi týberkýlez máselesi áli joǵary bolyp otyr. Naýqastardyń shırek bóligi týberkýlezdiń osy túrimen aýyrady. Bul oraıda dıagnozdy jedel ári naqty qoıý tásili ózekti bolyp qala beredi», - dedi Lázzat Aqtaeva.
Aıta keteıik, Qazaqstandaǵy týberkýlez dıagnostıkasyn jaqsartý úshin AQSh elshiligi QR Densaýlyq saqtaý mınıstrligine 50 GeneXpert apparatyn syıǵa tartty.
GeneXpert qurylǵylary eń aldymen apparat sany az Jambyl, Qyzylorda, Qostanaı, Qaraǵandy, Pavlodar, Túrkistan oblystary men Nur-Sultan, Almaty qalalaryna jetkiziledi.