Qazaqstanda týberkýlezdi anyqtaý men emdeý tegin júrgiziledi
ASTANA. KAZINFORM – Týberkýlez – kóbinese ókpeni zaqymdaıtyn, alaıda basqa aǵzalarǵa da áser etýi múmkin ınfektsııalyq aýrý.
Densaýlyq saqtaý mınıstrliginiń málimetinshe, aýrýdyń qozdyrǵyshy – Mycobacterium tuberculosis bakterııasy.
Vedomstvo deregine sáıkes, týberkýlez álemdegi eń qaýipti ınfektsııalyq aýrýlardyń biri bolyp qala beredi.
- Kún saıyn álemde 4 100-den astam adam týberkýlezden qaıtys bolady, al shamamen 30 myń adam osy dertke shaldyǵady, - delingen derekte.
Mınıstrlik Qazaqstan týberkýlezdi erte dıagnostıkalaý, emdeý jáne aldyn alý boıynsha halyqaralyq standarttarǵa saı zamanaýı ádister engizilgen sanaýly elderdiń qataryna kiretinin atap ótti.
Sonymen qatar elimizde týberkýlezdiń aldyn alý, dıagnostıkasy jáne emi barlyq azamat úshin tegin júrgiziledi.
Aıta keteıik, DSM hantavırýstyń aldyn alý joldaryn atady.
