Qazaqstanda týabitti damý aqaýlary bar 56 myńnan astam náreste bar
ASTANA. QazAqparat - "Qazaqstanda týabitti damý aqaýlary bar 56 myńnan asa náreste bar. Ulttyq genetıkalyq tizilimde osyndaı aqparat jınalǵan".
QR Densaýlyq saqtaý jáne áleýmettik damý birinshi vıtse-mınıstri S.Z.Qaıyrbekovanyń tóraǵalyǵymen ótken ana men bala ólimin, qan aınalymy júıesi aýrýlarynan bolatyn ólim-jitimdi azaıtý úshin jedel sharalar qabyldaý jónindegi respýblıkalyq shtabtyń kezekti otyrysynda mınıstrliktiń medıtsınalyq genetıka jónindegi shtattan tys bas mamany G.Svıatova osylaı málimdedi.
Respýblıkadaǵy prenataldy skrınıng jaıy týraly baıandaǵan ol genetıkalyq skrınıngtiń tıimdiligi - mamandardy daıarlaýǵa tikeleı baılanysty ekenin alǵa tartty.
Osyǵan oraı, 2014 jyly prenataldy skrınıng ótkizetin barlyq mamandar trenıngten ótip, sertıfıkat aldy. Dárigerler Fınlıandııaǵa baryp, oqyp qaıtty. 6 halyqaralyq sheberlik-synyptary uıymdastyryldy. Óńirlerge baryp tájirıbelik kómek kórsetilýde, dep habarlaıdy QR DSÁDM baspasóz qyzmeti.
Aıta keteıik, ishtegi náresteniń damý aqaýlaryn ýaqtyly dıagnostıkalaý bosandyrýǵa qajetti barlyq sharalardy josparlap, aldyn ala ázirlep qoıýǵa múmkindik beredi. Al, osy jumystardyń tyńǵylyqty atqarylýy úshin mamandardyń biliktiligin arttyrý jumystary jalǵasýda.
