Qazaqstanda tsıfrlyq aktıvterdi erikti túrde jarııa etý tetigi engiziledi
ASTANA. KAZINFORM – Bul týraly Qazaqstanda tsıfrlyq aktıvter ındýstrııasyn yntalandyrý jáne damytý sharalaryna arnalǵan baspasóz májilisinde Premer-Mınıstrdiń orynbasary – Jasandy ıntellekt jáne tsıfrlyq damý mınıstri Jaslan Madıev aıtty.
Onyń aıtýynsha, memleket tsıfrlyq aktıvterdi zańdy aınalymǵa qaıtarý úshin «jasyl dáliz» ashady.
– Buǵan deıin satyp alǵan nemese óndirip alǵan tsıfrlyq aktıvteri bar azamattar olardy erikti túrde jarııa ete alady. Bir ǵana talap bar – aktıvter qazaqstandyq provaıderler arqyly zańdy ınfraqurylymǵa aýystyrylýy tıis, – dedi mınıstr.
Onyń aıtýynsha, tsıfrlyq aktıvterdi erikti túrde jarııa etýdiń quqyqtyq tetigi osy jyldyń sońyna deıin ázirlenedi.
Sonymen qatar mınıstr naryq qatysýshylary kópten beri kóterip júrgen taǵy bir másele sheshimin tabatynyn aıtty. Onyń sózinshe, 1 tamyzǵa deıin jekelegen klıentterdiń shottary zańdy negizde buǵattalǵan jaǵdaıda, krıptoprovaıderlerdiń operatsııalyq shottarynyń buǵattalýyna jol bermeıtin tetik ázirlenedi.
– Platforma men onyń myńdaǵan paıdalanýshysy bir zań buzýshynyń áreketinen zardap shekpeýi kerek, – dedi Jaslan Madıev.
Buǵan deıin Qazaqstanda sottalǵandardyń tsıfrlyq aktıvterin saqtaý nysany aıqyndalǵany jaıly jazdyq.
