Qazaqstanda tirkelgen kólikterdiń Ózbekstanda júrý merzimi 6 aıǵa deıin uzartylýy múmkin
TAShKENT. KAZINFORM – Qazaqstan azamattarynyń Ózbekstanda óz kóligimen júrý merzimi 90 kúnnen 180 kúnge deıin uzartylýy yqtımal. Bul týraly Memlekettik keden komıtetiniń Strategııalyq josparlaý jáne kedendik rásimderin ońaılatý basqarmasynyń bastyǵy Farhod Olımjonov aıtty, dep habarlaıdy Kazinform agenttiginiń menshikti tilshisi.
- Ózge memeleketterdiń azamattaryna jeke paıdalaný úshin shetelde tirkelgen kóligin Ózbekstanǵa 1 jyl ishinde 90 kúnnen aspaıtyn merzimge ákelýge ruqsat etiledi. Alaıda, bul kezeńdi kedendik tólem jasaı otyryp, uzartýǵa bolady, - dedi Kazinform agenttigi tilshisiniń saýalyna jaýap bergen Farhod Olımjonov.
Basqarma basshysy atap ótkendeı, ár táýlik úshin 1 bazalyq eseptik shama (16 500 teńge) mólsherinde qarajat alynady.
- Qazirgi ýaqytta bul merzimdi uzartý máselesi pysyqtalyp jatyr. Biz qazaqstandyq áriptesterimizben birneshe kezdesý ótkizdik. Tıisinshe, búginde bizdiń basqarma atalǵan merzimdi 90 kúnnen 180 kúnge deıin uzartý týraly zań jobasyn ázirleýde, - dep qorytyndylady Farhod Olımjonov.
Aıta keteıik, byltyr Ózbekstandaǵy qazaq jazýshylarynyń onnan astam kitaby jaryq kórdi.