Qazaqstanda travmatologııalyq jáne ortopedııalyq kómek kórsetý standarty jańartyldy
ASTANA. KAZINFORM – Densaýlyq saqtaý mınıstrligi 2026 jylǵy 26 mamyrdaǵy buıryqpen elimizde travmatologııalyq jáne ortopedııalyq kómek kórsetýdi uıymdastyrý standartyna ózgerister engizdi.
Jańa redaktsııada bekitilgen standart jaraqattar, tirek-qımyl apparatynyń aýrýlary men súıek-bulshyqet júıesi syrqattary bar patsıentterge ambýlatorııalyq, statsıonarlyq jáne statsıonardy almastyratyn jaǵdaılarda medıtsınalyq kómek kórsetýdi uıymdastyrýdyń talaptary men qaǵıdalaryn aıqyndaıdy.
Travmatologııalyq jáne ortopedııalyq kómek medıtsınalyq qyzmetpen aınalysýǵa lıtsenzııasy bar densaýlyq saqtaý uıymdarynda menshik nysany men vedomstvolyq baǵynystylyǵyna qaramastan kórsetiledi. Standartqa sáıkes medıtsınalyq kómek kórsetý úsh deńgeı boıynsha uıymdastyrylady.
Birinshi deńgeıge dárigerlik ambýlatorııalar, travmatolog jáne ortoped kabınetteri, travmatologııalyq pýnktter, sondaı-aq travmatologııa bólimsheleri joq aýdandyq aýrýhanalar jatady.
Ekinshi deńgeıde quramynda travmatologııa bólimsheleri bar kópbeıindi aýdanaralyq jáne qalalyq aýrýhanalar qyzmet kórsetedi.
Úshinshi deńgeıde kópbeıindi oblystyq aýrýhanalar, respýblıkalyq mańyzy bar qalalar men astananyń kópbeıindi aýrýhanalary, sondaı-aq densaýlyq saqtaý salasyndaǵy ǵylymı uıymdar medıtsınalyq kómek kórsetedi.
Sonymen qatar óńirlik travmatologııalyq ortalyqtar men profıldik medıtsınalyq uıymdardyń negizgi mindetteri mynalar bolyp belgilengen:
– alǵashqy medıtsınalyq-sanıtarııalyq kómek kórsetetin uıymdarmen, jergilikti atqarýshy organdarmen, jumys berýshilermen jáne úkimettik emes uıymdarmen birlesip jaraqattanýdyń aldyn alý sharalaryna qatysý;
– súıek-bulshyqet júıesi (SBJ) aýrýlary men jaraqattaryn erte dıagnostıkalaý;
– SBJ jaraqattary men aýrýlary bar naýqastardy klınıkalyq hatamaǵa sáıkes emdeý;
– qalpyna keltirý emin jáne medıtsınalyq ońaltýdy uıymdastyrý;
– joǵary tehnologııalyq medıtsınalyq qyzmetterdi engizý jáne qoldaný;
– beıindi mamandardyń biliktiligin arttyrý;
– óńirlik travmatologııa ortalyǵyna bekitilgen óńirdi taldaý jáne uıymdastyrý-ádistemelik qoldaý.
Qujatta halyqqa shuǵyl, kezek kúttirmeıtin jáne josparly travmatologııalyq ári ortopedııalyq kómek kórsetý profıldik uıymdardyń negizgi qyzmet baǵyttary retinde aıqyndalǵan.
Sondaı-aq tirek-qımyl apparatynyń jaraqattary men aýrýlary kezinde shuǵyl jáne kezek kúttirmeıtin medıtsınalyq kómek ambýlatorııalyq, statsıonarlyq jáne statsıonardy almastyratyn jaǵdaılarda mamandandyrylǵan kómek kórsetetin uıymdar arqyly júzege asyrylady. Al jaraqat saldary men súıek-bulshyqet júıesi aýrýlary bar patsıentterge josparly túrde mamandandyrylǵan jáne joǵary tehnologııalyq medıtsınalyq kómek óńirlendirý deńgeılerine sáıkes Portal arqyly joldanady.
Josparly medıtsınalyq kómek kórsetý júıesi mynadaı deńgeıler boıynsha uıymdastyrylady:
– birinshi deńgeı – aýdandyq aýrýhanalar;
– ekinshi deńgeı – kópbeıindi aýdanaralyq jáne travmatologııalyq bólimsheleri bar qalalyq aýrýhanalar;
– úshinshi deńgeı - óńirlik travmatologııa ortalyqtary, kópbeıindi oblystyq aýrýhanalar, kópbeıindi qalalyq aýrýhanalar, densaýlyq saqtaý salasyndaǵy ǵylymı uıym.
Travmatologııalyq jáne ortopedııalyq kómek kórsetý ambýlatorııalyq jaǵdaıda konsýltatsııalyq-dıagnostıkalyq jáne emdik kómekti, qajet bolǵan jaǵdaıda statsıonarǵa jatqyzýǵa joldaýdy qamtıdy.
Statsıonardy almastyratyn jaǵdaıda dıagnozǵa jáne klınıkalyq hattamalarǵa sáıkes mamandandyrylǵan medıtsınalyq kómek kórsetiledi.
Statsıonarlyq jaǵdaıda patsıentterge mamandandyrylǵan, onyń ishinde joǵary tehnologııalyq medıtsınalyq kómek kórsetilip, taǵaıyndalǵan em júrgiziledi. Sondaı-aq dárigerdiń kúndelikti tekserýi, emdeý taktıkasyn túzetý, bólimshe meńgerýshisiniń konsýltatsııasy jáne qajetti mamandardyń keńesi uıymdastyrylady.
Budan bólek, medıtsınalyq qujattama resimdelip, patsıent aýrýhanadan shyǵarylǵan kezde statsıonarlyq naýqastyń medıtsınalyq kartasynan úzindi kóshirme beriledi.
Medıtsınalyq uıymnan tys jerde jedel járdem brıgadalary shaqyrtý ornyna kelgen kezde, sanıtarııalyq avtokólikte nemese medıtsınalyq avıatsııa arqyly tasymaldaý barysynda, sondaı-aq medıtsınalyq poıyzdarda, jyljymaly medıtsınalyq keshenderde, dalalyq gospıtaldarda jáne qashyqtan medıtsınalyq qyzmet kórsetý kezinde de kómek kórsetiledi.
Josparly gospıtalızatsııa kezinde patsıent jeke basyn kýálandyratyn qujatty, klınıkalyq-dıagnostıkalyq zertteýlerdiń nátıjelerin jáne gospıtalızatsııa kúni kórsetilgen joldamany usynýy tıis.
Patsıentti joldaǵan medıtsınalyq uıym qajetti klınıkalyq-dıagnostıkalyq tekserýlerdi, sondaı-aq klınıkalyq hattamalarda kózdelgen qosymsha zertteýlerdi júrgizedi.
Qabyldaý bóliminde statsıonarlyq patsıenttiń medıtsınalyq kartasy №001/ý nysany boıynsha rásimdeledi. Sondaı-aq jańartylǵan standartta sondaı-aq jaraqattardyń saldary men súıek-bulshyqet júıesi aýrýlary kezinde, onyń ishinde balalarǵa josparly túrde mamandandyrylǵan jáne joǵary tehnologııalyq medıtsınalyq kómek kórsetý tártibi, tirek-qımyl apparaty jaraqattary kezinde medıtsınalyq kómek uıymdastyrý qaǵıdalary jáne kúıik alǵan patsıentterge medıtsınalyq kómek kórsetý tártibi belgilengen. Buıryq 2026 jylǵy 15 maýsymnan bastap qoldanysqa engiziledi.
Buǵan deıin Qazaqstanda jaqsúıek-bet hırýrgııalyq kómegin kórsetýdiń jańa standarty ázirlendi.
