Qazaqstanda toı uıymdastyrýǵa arnalǵan mobıldik qosymsha jasaldy
ASTANA. QazAqparat - Qazaqstanda toı uıymdastyrýǵa arnalǵan ToiDriver mobıldik qosymshasy jasaldy.
ToiDriver - kez kelgen merekelik sharany deldalsyz uıymdastyrýǵa kómektesetin TMD elderindegi tuńǵysh tegin mobıldi qosymsha. Atalǵan mobıldi qosymshanyń ereksheligine toqtalatyn bolsaq, qoldanýshynyń (tapsyrys berýshiniń) oryndaýshyǵa tikeleı baılanysqa shyǵý arqyly qyzmetke tapsyrys berý jáne óziniń baǵasyn belgileý múmkindigi jasalady. Tapsyrys berýshige óziniń ótinimin berý jáne baǵasyn kórsetýi jetkilikti, óz kezeginde barlyq ártister men jalǵa berýshiler onyń tapsyrysyn alyp, onymen tikeleı baılanysqa shyǵa alady.
Mobıldi qosymsha arqyly merekelik sharalardy júrgizetin ártisterdi (júrgizýshiler, ánshiler men bıshiler, fotograftar jáne t.b) jáne jalǵa berýshilerdi (toıhanany, kortej, sandyq jabdyqtar jáne t.b.) tabýǵa bolady
ToiDriver qosymshasy IOS jáne Android tanymal mobıldi operatsııalyq júıelerine beıimdelgen.
Búgingi tańda, jarnama jasalmaǵanyna qaramastan, 1000-nan astam tutynýshy atalmysh mobıldi qosymshany júktep, qoldanysqa engizdi. Bazany barlyq Qazaqstan boıynsha 20 000 oryndaýshy (ártister) jáne 250 000 tapsyrys berýshige jetkizý josparlanýda. Jobanyń josparyna elimizdiń barlyq turǵyndaryn, sonyń ishinde iri qalalardy ǵana emes, sondaı-aq jaqyn mańdaǵy aýdandardy qamtý kiredi.
