Qazaqstanda tótenshe jaǵdaılar saldarynan qaza tapqandar sany azaıyp keledi - V.Bojko
ASTANA. QazAqparat - Qazaqstanda tótenshe jaǵdaılar saldarynan qaza tapqandar sany azaıyp keledi. Bul týraly búgin QR Parlamenti Májilisindegi Úkimet saǵatynda QR Tótenshe jaǵdaılar mınıstri Vladımır Bojko málim etti.
«Aǵymdaǵy jylǵy birinshi toqsannyń qorytyndysy boıynsha tótenshe jaǵdaılardan qaza bolǵandar 16,6 paıyzǵa, zardap shekkender 7,1 paıyzǵa azaıǵanyn atap ótkim keledi», - dedi mınıstr.
Onyń atap ótýinshe, ótken jyly 2012 jylmen salystyrǵanda órt sany 15,6, zardap shekkender 7, qaza tapqandar 12,2, materıaldyq zalal 3,1 paıyzǵa azaıǵan. Qaýipti ónerkásiptik nysandarda jazataıym oqıǵalardan kóz jumǵandar 35,3, jaraqattanǵandar 33,3 paıyzǵa kemigen.
«2013 jyly júrgizilgen jumystardyń nátıjesinde tabıǵı jáne tehnogendik sıpattaǵy tótenshe jaǵdaılar 17,6 paıyzǵa azaıyp, zardap shekkender 13,3, mert bolǵandar 15,9 paıyzǵa azaıdy», - dedi V.Bojko.
