Qazaqstanda tóselgen tasjoldyń sapasy nege syn kótermeıdi

ASTANA. QazAqparat – Joǵary aýdıtorlyq palata ókilderi kólik ınfraqurylymyn damytýdyń bıýdjettik ınvestıtsııalyq jobalaryna bólingen qarajatty ıgerýdegi júıeli kemshilikterdi atady, dep habarlaıdy QazAqparat tilshisi.

«Naryqtyń otandyq jol-qurylys materıaldarymen jetkiliksiz tolyqtyrylýy, bıtýmnyń sapasynyń nashar bolýy jáne joldardy salý men jóndeýdiń ózindik qunyna áser etetin júk vagondarynyń jetispeýshiligi bar. Mysaly, 2021 jyly Ulttyq sapa ortalyǵy jol bıtýmynyń 1400-den astam synamasyn zerttegen. Onyń 300-i sapasy boıynsha normatıvterdiń talaptaryna sáıkes kelmeıdi», - delingen palatanyń aqparatynda.

Atap aıtqanda, Pavlodar munaı-hımııa zaýytynyń 183 synamasy, Caspi Bitum-nyń 108 synama, «Qazaqbıtýmnyń» 7 synamasy bar.

«Saldarynan asfalt-beton jabyny tez buzylady, qyzmet kórsetýdiń kepildik merzimi qysqarady», - dep jazylǵan qujatta.