Qazaqstanda tórtinshi radıofarmatsevtıkalyq preparat óndirile bastady
Bul týraly Kazinform QR Prezıdentiniń Іs basqarýshysy A. Dádebaevtyń resmı telegram arnasyna silteme jasap habarlaıdy.
«ıAdrolyq medıtsına ortalyǵynyń kezekti qýanyshty jańalyǵyn ózderińizge habarlaǵym kelip otyr. Áriptesterimiz otandyq medıtsına salasyndaǵy mańyzdy nátıjege qol jetkizip, tórtinshi radıofarmatsevtıkalyq preparat óndirýdi bastady. Kúrdeli neıroendokrındi onkologııalyq patologııany dıagnostıkalaýǵa qoldanatyn 18F-DOPA preparaty elimizde alǵash ret shyǵarylyp otyr. Osylaısha, Ortalyqtaǵy 6 preparat, onyń ishinde osynda óndirilgen tórt preparattyń kómegimen PET/KT zertteýleriniń jıyrmadan astam túri jasalady», - delingen habarlamada.
Sondaı-aq onda jyl basynan beri osy Ortalyqta Tegin medıtsınalyq kómektiń kepildendirilgen kólemi jáne Mindetti áleýmettik medıtsınalyq saqtandyrý boıynsha kelgen adamdardy qosa alǵanda, barlyǵy 6 myńnan astam zertteý júrgizilgeni aıtylǵan.
Radıofarmpreparattardyń kómegimen naýqastarǵa neǵurlym erte ári dál dıagnoz qoıý qaterli dertti jeńýde óte mańyzdy ekenin atap ótken jón.
«ıAdrolyq medıtsınalyq ortalyqtyń ujymyn búgingi jetistigimen quttyqtaımyn. Eńbekterińiz jemisti bolyp, dertine daýa izdegen jurtshylyqtyń alǵysyna bólene berińizder!», - dep jazdy telegram-arna.
