Qazaqstanda Tórelik palatasy qurylady
Mınıstrdiń aıtýynsha, zań jobasynda tórelikter qyzmetin retteıtin jańa tásilder qarastyrylyp otyr. Atap aıtqanda, tórelik kelisimniń derbestik qaǵıdaty bekitiledi. Qupııalylyq qaǵıdatynyń qoldanysy keńeıtiledi.
"Sonymen qatar, memlekettik organdarǵa, kvazımemlekettik sektor, tabıǵı monopolııalar sýbektilerine jáne taýarlar men kórsetiletin qyzmetter naryǵynda basym jaǵdaıǵa ıe sýbektilerge, sondaı-aq ekinshi deńgeıdegi bankterge jáne bank operatsııalarynyń jekelegen túrlerin júzege asyratyn uıymdarǵa tórelikter qurýǵa tyıym salynady. Bul sybaılas jemqorlyq quqyq buzýshylyqtar faktorlaryn jáne tórelik sheshimder qabyldaýǵa syrttan áser etýdi boldyrmaıdy», - dedi Ádilet mınıstri.
Onyń aıtýynsha, tóreshilerge qoıylatyn biliktilik talaptary da kúsheıtiledi. Sonymen qatar, zań jobasyndaǵy basty jańalyqtardyń biri - Qazaqstannyń Tórelik palatasyn qurý jáne onyń jumys isteýin qamtamasyz etý.
«Bul palata tóreshilerdiń qyzmetin iske asyrý, yntalandyrý jáne qoldaý úshin qolaıly jaǵdaılardy qamtamasyz etýge múmkindik beredi. Olardyń ulttyq jáne halyqaralyq deńgeıde tórelikke qatysýyna septigin tıgizedi. Tutastaı alǵanda, zań jobasynda belgilengen sharalar elimizde tórelik qyzmetke jańa qarqyn berýge, osy saladaǵy halyqaralyq standarttar talaptaryna onyń sáıkes kelýin barynsha qamtamasyz etýge baǵyttalǵan. Bul múliktik daýlarǵa qatysýshylardyń quqyqtaryn qorǵaý tıimdiligin arttyrýǵa múmkindik beredi», - dedi B. Imashev.
