Qazaqstanda top-menedjerler men memlekettik qyzmetkerlerge «jasyl ekonomıka» negizderin oqytý bastalady - «Jasyl Akademııa» ǴBO basshysy
ASTANA. 20 maýsym. QazAqparat - «Jasyl Akademııa» ǵylymı-bilim berý ortalyǵy jylyna 500 mamanǵa deıin jasyl damýdyń negizgi prıntsıpterin oqytady,
dep habarlady ortalyq dırektory Baqyt Esekına rrimeminister.kz saıtyna bergen eksklıýzıvti suhbatynda.
«Bizdiń bıznes jospar boıynsha jylyna shamamen 500 adamdy oqytamyz. Qazir ortalyq demeýshilerdiń qarajaty esebinen QOQM top-menedjerlerin oqytýdy bastap ketti», - dedi B.Esekına
Sonymen qatar, ol keleshekte bilim berýdi qarjylandyrý máselelerin memlekettik organdarmen, qyzmetkerleri atalǵan ortalyqta oqytylatyn mınıstrliktermen kelisetinin atap ótti.
B.Esekınanyń aıtýynsha, ortalyq demeýshiniń qarajaty men halyqaralyq granttar arqyly qyzmet etedi.
Aıta keteıik, búgin QR Qorshaǵan ortany qorǵaý mınıstrliginde «Jasyl Akademııa» ǵylymı bilim berý ortalyǵy tanystyrylǵan bolatyn.
