Qazaqstanda tólem kartochkalarynyń sany 30 mıllıonnan asty
NUR-SULTAN. QazAqparat - Elimizde tólem kartochkalaryn paıdalana otyryp, qolma-qol aqshasyz jasalatyn operatsııalar kólemi eki ese ósti. Bul jóninde Ulttyq banktiń baspasóz qyzmetine silteme jasap QazAqparat habarlaıdy.
Sońǵy jyldary aınalystaǵy tólem kartochkalarynyń sany jáne tıisinshe qolma-qol aqshasyz operatsııalar kólemi joǵary qarqynmen ósýde. 2019 jylǵy 1 qazandaǵy jaǵdaı boıynsha, emıssııalanǵan jáne taratylǵan tólem kartochkalarynyń sany - 30,6 mln boldy, bul 2019 jylǵy osy kezeńdegi kórsetkishten 43%-ǵa artyq.
«2019 jylǵy 9 aıda ótken jyldyń osyndaı kezeńimen salystyrǵanda tólem kartochkalaryn paıdalana otyryp qolma-qol aqshasyz tólem jáne aqsha aýdarymdarynyń jalpy kólemi eki eseden asa ulǵaıyp, 8,9 trln teńgeni qurady», - dep habarlady Tólem júıeleri departamentiniń dırektory Erlan Ashyqbekov.
Qolma-qol aqshasyz tranzaktsııalardyń negizgi úlesi bankterdiń onlaın servısteri arqyly júrgizildi. Búgingi kúni onlaın servısterde 18 mln jýyq paıdalanýshy tirkeldi, onyń ishinde 34%-y operatsııalardy turaqty túrde júrgizedi.
Kún saıyn onlaın servıster arqyly 21 mlrd teńgeden astam somaǵa 1,3 mln astam operatsııa júrgiziledi.
