Qazaqstanda toqylatyn kilemder 26 paıyzǵa azaıdy

ASTANA. QazAqparat - Qazaqstanda kilem óndirisi tómendedi, dep habarlaıdy QazAqparat ulttyq statbıýroǵa silteme jasap.

2023 jyldyń qańtar-maýsym aılarynda kilem men kilem ónimderiniń óndiris kólemi 2022 jyldyń sáıkes kezeńimen salystyrǵanda 26,1% tómendedi.

Máselen, 2023 jyldyń qańtar-maýsym aılarynda qazaqstandyq kásiporyndar 2,7 mln m2 kilem ónimin shyǵarsa, ótken jyldyń sáıkes kezeńinde 3,6 mln m2 ónim óndirilgen.

Bul rette atalǵan ónimderdiń ımporty 3,5% qysqardy.

Máselen, joǵaryda atalǵan kezeńde 7,4 mln m2 astam ónim ımporttaldy. Shetelden ákelingen ónimderdiń naryqtaǵy úlesi - 73,3%.

Osy rette birinshi jarty jyldyń ishinde eksport qarqyny 52,4% ósken, shetelge 334,1 myń m2 kilem ónimi jóneltildi.

Alty aıdyń qorytyndysy boıynsha ishki naryqta barlyǵy 9,8 mln m2 kilem men kilem ónimi satylǵan.