Qazaqstanda toǵyz aıda 7 jańa qazandyq paıdalanýǵa berildi
ASTANA. KAZINFORM — Qańtar-qyrkúıek aılarynda Qazaqstanda jalpy qýaty 56 Gkal/saǵ bolatyn 7 qazandyq paıdalanýǵa berildi. Bul týraly Ulttyq statıstıka bıýrosy málim etti.
Onyń ishinde Aqmola jáne Almaty oblystarynda eki qazandyqtan, Qaraǵandy jáne Túrkistan oblystarynda bir-bir qazandyqtan iske qosyldy.
Abaı oblysynda qýaty 23,5 Gkal/saǵ bolatyn eń qýatty qazandyq paıdalanýǵa berildi.
Atalǵan jylýmen jabdyqtaý nysandarynyń jalpy quny 8,6 mlrd teńgeni qurady.
Eske sala keteıik, buǵan deıin elimizde ótken jylytý maýsymynda turǵyn úılerde 3 359 órt tirkelip, 175 adam qaza tapqanyn jazdyq.
Energetıka mınıstrligi bıyl 9 energoblok pen 55 qazandyqqa kúrdeli jóndeý júrgiziletinin habarlaǵan edi.
