Qazaqstanda toǵyz aıda 24 jańa halyqaralyq áýe baǵyty ashyldy

ASTANA. KAZINFORM – Qazaqstanda 2026 jyldyń toǵyz aıynda 24 jańa halyqaralyq áýe baǵyty ashyldy. Qazirgi ýaqytta «ashyq aspan» rejımi elimizdiń 17 áýejaıynda qoldanylady. Bul týraly QR Sport jáne týrızm mınıstri Erbol Myrzabosynov Ortalyq kommýnıkatsııalar qyzmetinde ótken baspasóz máslıhatynda málimdedi.

Irannyń ońtústigindegi áýejaıda áýe qatynasy qaıta jandandy
Foto: pexels

Mınıstrdiń aıtýynsha, «ashyq aspan» rejımi halyqaralyq áýe qatynasyn keńeıtýge jáne sheteldik áýe kompanııalaryn tartýǵa múmkindik beredi. Atalǵan rejım áýe erkindiginiń besinshi dárejesin paıdalanýdy kózdeıdi. ıAǵnı sheteldik tasymaldaýshylar Qazaqstan qalalary arqyly úshinshi elderge turaqty reıster oryndaı alady.

Áýe qatynasyn damytý jumystary áýejaı ınfraqurylymyn jańǵyrtýmen qatar júrgizilip jatyr.

– Áýejaı ınfraqurylymyn jańartý jumystary da jalǵasyp jatyr. Kendirli, Zaısan jáne Katonqaraǵaıda úsh jańa áýejaı salynyp jatyr. Arqalyq áýejaıy qaıta iske qosyldy, Pavlodarda ushý-qoný jolaǵy jańartyldy, – dedi Erbol Myrzabosynov.

Sonymen qatar sheteldik týrıster aǵynyn arttyrý úshin vızalyq rásimderdi jeńildetý sharalary qolǵa alynǵan. Búginde 105 eldiń azamaty Qazaqstanǵa kelý úshin bir rettik elektrondyq vıza rásimdeı alady.

Aıta keteıik, Qazaqstan men Japonııa arasynda tikeleı áýe reısi iske qosylady.