Qazaqstanda TMD, Eýropa jáne Azııa elderiniń startap-komandalary úshin «TECHNATION» baǵdarlamasyna qabyldaý ashyldy
ASTANA. QazAqparat - QR Investıtsııalar jáne damý mınıstrligi Tehnologııalyq damý jónindegi ulttyq agenttigimen birigip TMD, Eýropa jáne Azııa elderiniń startap-komandalary úshin «TECHNATION» akseleratsııalaý baǵdarlamasynyń tsıklyna qabyldaý ashyp jatyr.
TECHNATION - startaptardy damýdyń erte satysynda oqytýdyń qarqyndy baǵdarlamasy. Oǵan qatysý úshin 16 shildege deıin ótinim berip, budan keıin jobanyń sarapshylary men mentorlary úzdik ótinimderdiń ishki irikteýin ótkizedi.
Baǵdarlamanyń mindeti - tórt basymdyqty baǵyt: mobıldik tehnologııalar, elektrondyq kommertsııa, «bulttyq» esepteýler jáne medıa-tehnologııalardaǵy jańa údemeli ınnovatsııalyq jobalar men joldardy anyqtaý. Baıqaý irikteýinen ótken startaptar birneshe kezeńnen turatyn akseleratsııalaý baǵdarlamasyna túsedi. Birinshi kezeńde qatysýshylardy startaptardy daıarlaýdyń qarqyndy eki aılyq mentorlyq baǵdarlamasy kútip otyr, ekinshi kezeńde komandalar Kremnıı alqabyna (AQSh) taǵylymdamadan ótýge barady. Qazaqstanǵa oralǵan soń, komandalar óz jobalaryn odan ári damytý úshin 5 mln. teńgege deıin ınvestıtsııalardy alýǵa úmittene alady. «Jobanyń aıasynda 7 úzdik startap alynyp, olar úshin biz Qazaqstanda jáne Kremnıı alqabynda álemdik deńgeıdegi sarapshylardyń qatysýymen keshendi baǵdarlama ótkizemiz. Bul baǵdarlama aıaqtalǵan soń atalǵan jobalarǵa kómek kórsetýdi toqtatpaımyz. TECHNATION jyl saıyn ótkizilip turady jáne men onyń ınnovatsııalyq kásipkerlikti damytýǵa jańa túrtki bolatynyna senimdimin», - dep atap ótti QR Tehnologııalyq damý jónindegi ulttyq agenttigi basqarmasynyń tóraǵasy Sanjar Іztileýov.
