Qazaqstanda TMD elderi aýmaǵynda tuńǵysh ret shańǵymen tuǵyrdan sekirýden Qurlyqaralyq kýbok jarysy ótedi
ALMATY. Qyrkúıektiń 22-si. QazAqparat /Erlik Erjanuly/ - Elbasy qyrkúıektiń 25-26-sy kúnderi shańǵymen tuǵyrdan sekirýden Almatyda ótetin Qurlyqaralyq kýbok jarysynyń ashylý rásimine qatysady dep kútilýde.
Bul týraly atalmysh dúbirli dodany uıymdastyrýshylar búgin Almatyda ótkizgen baspasóz máslıhatynda málim etti.
"Álem kýbogynan keıingi eń iri baıraqty báseke sanalatyn bul shara burynǵy keńestik respýblıkalar aýmaǵynda tuńǵysh ret Qazaqstanda ótkeli otyr. Qazan aıynda jańadan iske qosylatyn Halyqaralyq shańǵy tramplıni keshenindegi bul jarys 2011 jylǵy qysqy Azııa oıyndaryna daıyndyq aıasynda uıymdastyrylmaq. Halyqaralyq shańǵy federatsııasynyń sport jarystary kúntizbesine engizilgen Qurlyqaralyq kýbokqa 12 elden sportshylar qatysady", deıdi "2011 jylǵy Azııa oıyndary dırektsııasynyń" Almaty qalasyndaǵy dırektory Sultanmahmut Shoqpytov. Onyń aıtýynsha, Qurlyqaralyq kýbokqa qatysatyn sportshylar arasynda Álem kýbogynyń jeńimpazdary slovakııalyq Prmoj Peterka, chehııalyq ıAkýb ıAnda, 2010 jylǵy Gran-Prı kezeńderiniń jeńimpazy polshalyq Kamıl Stoh sııaqty áıgili sport sańlaqtary bar. Bul dodada el namysyn 4 tuǵyrdan sekirýshi qorǵamaq. Oǵan Radık Japarov, Nıkolaı Karpenko, Aleksandr Korolev sııaqty ulttyq qurama úzdikteri enip otyr.
