Qazaqstanda tıtannan tis ımplanttary óndirilýi múmkin
ASTANA. QazAqparat - Astanada «Stomatologııadaǵy ınnovatsııalar» atty Stomatologtardyń halyqaralyq kongresine arnalǵan baspasóz máslıhaty ótti, dep habarlaıdy QazAqparat HAA tilshisi.
Biryńǵaı Qazaqstan stomatologtary qaýymdastyǵynyń prezıdenti (EKAS), medıtsına ǵylymdarynyń doktory, IDA Dúnıejúzilik stomatologııa akademııasynyń akademıgi, Sáýle Esembaeva óz uıymynyń Qazaqstanda tıtan ımplanttaryn óndirý isin jolǵa qoıýdy josparlap otyrǵanyn málimdedi.
«Bolashaqta tıtandy qoldaný boıynsha Shyǵys Qazaqstan oblysymen yntymaqtastyqty damytýdy josparlap otyrmyz. Biraq, Qazaqstanda óndiriletin tıtandar fızıkalyq-hımııalyq qasıetterine baılanysty, dentaldy ımplanttardy daıyndaýǵa jaramaıdy. Degenmen, qazir tehnologııalar ózgerdi jáne erteń ózindik óndiristi damytý qajettigi týraly baıandama oqylady. ıAǵnı, óz elimizde tıtan ımplanttaryn ázirleýdi jolǵa qoıý kerek», - dedi ol.
Sonymen birge, qaýymdastyq prezıdenti bul isti burynyraqta qolǵa alǵandaryn jáne birqatar sátsizdikterdiń oryn alǵanyn atap ótti.
«Bul úshin ázirge tıtannan artyq materıal joq. Osydan 5 jyl buryn bul taqyryppen tereńirek aınalysyp kórdik, biraq barlyq synaqtarymyz sátsiz shyǵyp, qoldan keler qaıran bolmady. Biraq, sońǵy ýaqytta bul taqyryp qaıtadan jandanyp keledi», - dedi Sáýle Esembaeva.
Qazirgi ýaqytta Qazaqstanda eki stomatologııalyq qaýymdastyq belsendi jumys isteıdi: Qazaqstan stomatologııalyq qaýymdastyǵy jáne Biryńǵaı Qazaqstan stomatologtar qaýymdastyǵy. Olardyń negizgi mindetteri praktıkalyq dárigerlerge qoldanystaǵy normatıvterdi túsindirý. Stomatologııalyq qyzmettiń jumysyn reglamentteıtin jańa buıryqtardyń, standarttardyń jáne basqa normatıvtik-quqyqtyq aktilerdiń jobalaryn ázirleý de qaýymdastyqtardyń basym mindetteriniń qatarynda.
