Qazaqstanda tirkeýden óte almaǵan saıası partııalar sany belgili boldy

NUR-SULTAN. QazAqparat – Qazaqstanda jeti jańa saıası partııa tirkeýge tura almady. Bul týraly Májilistiń jalpy otyrysynda QR Ádilet vıtse-mınıstri Natalıa Pan málim etti, dep habarlaıdy QazAqparat tilshisi.

«Ókiletti organ retinde Ádilet mınıstrligi saıası partııalardyń memleket tirkeýiniń statıstıkasyn júrgizedi. Osy oraıda 2017-2018 jyldarmen salystyrǵanda, 2019 jylda saıası belsendiliktiń joǵarylaǵany baıqaldy. Búginde tirkelmegen 7 uıym bar», - dedi Natalıa Pan.

Osy oraıda ol atalǵan saıası partııalar ne sebepti tirkelmegenin atap ótti.

«Tirkeýden bas tartýdyń sebebine toqtalsaq, jeteýdiń beseýi bastamashy toptardyń tizimin usynbaýyna qatysty. Bireýinde uıymdastyrý komıteti qyzmetiniń merzimi ótip ketken, zańda alty aılyq merzim qarastyrylǵan. Bul turǵyda Ádilet mınıstrligi tirkeýden bas tartýǵa májbúr bolady. Taǵy bir birlestik tekserýden ótip jatyr, ıaǵnı onyń músheleri shetel azamattary, quqyq qorǵaý organdarynyń qyzmetkerleri, áskerı qyzmetshi, sýdıa bolmaýy kerek. Osyndaı shekteýler bar. Osy rette jalpy jeti birlestik bar», - dedi Natalıa Pan.