Qazaqstanda tirkelmegen «sur tárelkelerge» qatysty shara qoldanylady

ASTANA. QazAqparat - Memlekettik mekemelerde tek otandyq telearnalar kórsetiledi. Bul týraly Májiliste «Qazaqstan Respýblıkasynyń keıbir zańnamalyq aktilerine aqparat jáne kommýnıkatsııalar máseleleri boıynsha ózgerister men tolyqtyrýlar engizý týraly» zań jobasyn tanystyrý barysynda QR QR Aqparat jáne kommýnıkatsııalar mınıstri Dáýren Abaev málim etti, dep habarlaıdy QazAqparat.

«Sur tárelkelerdi» (sertıfıkattalmaǵan spýtnıktik antennalar) ornatqan azamattar otandyq telearnalardy qaramaıdy, ıaǵnı óz eliniń aqparattyq keńistiginen tys qalyp otyr. Ekinshiden, «sur tárelkelerge» esh jerde lıtsenzııalar alynbaǵan ári tirkelmegen. ıAǵnı olarmen kúres qıyndaý, alaıda sol júıedegi kartalarmen kúresýge bolady. Jańa zań jobada lıtsenzııalanbaǵan osy kartalardy taratqany nemese jarnamalaǵany úshin jaýapkershilikti qarastyrdyq»,-dedi mınıstr depýtattardyń suraǵyna jaýap berý barysynda.

Bul rette barsha telearnany quqyqtyq keńistikke keltirý kózdelip otyr.

Onyń sózine qaraǵanda, memlekettik organdar men uıymdarda buqaralyq kórsetilimge tek otandyq telearnalardy usynýǵa ruqsat etildi.

Bul baǵyttaǵy sharalar otandyq telearnalardyń aýdıtorııasyn keńeıtýge múmkindik beredi.