Qazaqstanda tirkelgen jeńil kólikter sany 73,5 paıyzǵa ósti
ASTANA. QazAqparat - Qazaqstanda 2018 jyldyń qańtar-qarasha aılarynda 812 536 jeńil kólik tirkelgen, bul byltyr osy kezeńmen salystyrǵanda 73,5 paıyz kóp, dep habarlaıdy QazAqparat tilshisi QR Ulttyq ekonomıka mınıstrliginiń Statıstıka komıtetine silteme jasap.
Ótken jylǵy 1 jeltoqsandaǵy jaǵdaı boıynsha, Qazaqstanda tirkelgen jeńil avtomobılder sany 4047,8 myń birlikti quraǵan. Eseptik kezeńde 14 231 jol-kólik apaty tirkeldi, bul buǵan deıingi jylǵa qaraǵanda 8,4 paıyz az. Bul rette jol-kólik apattarynan 20 232 adam zardap shekken.
1 jeltoqsandaǵy jaǵdaı boıynsha, kólik quraldary ıeleriniń azamattyq-quqyqtyq jaýapkershiligin mindetti saqtandyrý boıynsha saqtandyrý uıymdary 19,8 mlrd teńgege 53 954 saqtandyrý tólemin júzege asyrǵan.
Avtor: Ashat Ahmetbekov
